Şəhid Musa Məhəmmədovun xatirəsi anılıb

Meyvəçilik və Çayçılıq Elmi-Tədqiqat İnstitutunun əməkdaşları Vətən müharibəsi şəhidi Musa Məhəmmədovun doğum günü ilə əlaqədar olaraq onun məzarını ziyarət ediblər.

Musa Məhəmmədov 2020-ci ilin sentyabrında başlanan 44 Günlük Vətən müharibəsində Murovdağ istiqamətində gedən döyüşlərdə iştirak etmiş, 2 oktyabr 2020-ci ildə qəhrəmancasına şəhid olmuşdur. Göstərdiyi igidliyə görə ölümündən sonra “Vətən uğrunda”, “Kəlbəcərin azad olunmasına görə” və “Hərbi xidmətlərə görə” medalları ilə təltif edilmişdir.

Şəhidimizin əziz xatirəsi hər zaman qəlbimizdə yaşayacaq.