TANIŞLIQ SƏFƏRİ

Elm və Təhsil Nazirliyi Azərbaycan Dövlət Pedaqoji Universitetinin Quba filialının direktoru Yusif Alıyev və filialın nümayəndələri Meyvəçilik və Çayçılıq Elmi-Tədqiqat İnstitutunda olublar. Səfərin əsas məqsədi institutla tanışlıq və gələcəkdə mümkün əməkdaşlıq imkanlarının müzakirəsi olub. Görüş zamanı qonaqlara institutun fəaliyyəti, elmi-tədqiqat istiqamətləri barədə ətraflı məlumat verilib. Tərəflər arasında qarşılıqlı maraq doğuran sahələr üzrə birgə əməkdaşlıq perspektivləri nəzərdən keçirilib.